Natay ti 11 a tattao bayat a 17 ti nadundunor kalpasan a mauram ti maysa a pasdek idiay Phuket, Southern Thailand, ita a Lunes, Nobiembre 16.
maibasar kadagiti immuna a report, nangrugi ti uram agarup alas dos ti bigat iti maysa a pasdek nga addaan iti motorcycle rental shop iti ground floor ken residential units iti ngato.
Napattapatta a maysa oras a sipipinget a trinabaho dagiti bombero ti nasao nga uram sakbay a naan-anay a nasebseban.
Mapapati a rason iti napartak a panagwaras ti uram dagiti nakaidulin a motorsiklo, gasolina, krudo ken dadduma pay a materiales.
Agdama pay laeng nga imim-imbestigaran dagiti otoridad ti makaigapu iti nasao nga uram, agraman ti posibilidad nga adda bimtak nga electrical transformer sakbay a nangrugi ti insidente.
Agtultuloy met a bigbigbigin ti kinasiasino dagiti natay ken no adda pay sabali a naapektaran iti uram.










