Ibilang ti Philippine National Police (PNP) a generally peaceful ti pakabuklan a nagbalin a kasasaad ti seguridad iti maika-49 nga Association of Southeast Asian Nations (ASEAN) Summit ditoy Pilipinas, iti laksid ti sumagmamano a naipadamag a tension iti nagbaetan dagiti pulis ken demonstrador.

Segun kenni Police Brigadier General Allen Rae Co, hepe ti PNP Public Information Office, adda dagiti nairekord a minor disturbances mainaig kadagiti protesta, ngem saan a naapektaran ti pakabuklan a seguridad.

Innayon pay ni Co a naannayas ti pannakaipatungpal ti seguridad manipud rugi agingga iti panagleppas dagiti kangrunaan nga aktibidad ken nagyaman daytoy iti tulong dagiti kameng ti PNP, media ken dadduma pay a partner agencies.