Naan-anayen a miembro ti ASEAN Inter-Parliamentary Assembly (AIPA) iti National Parliament ti Timor-Leste, kalpasan a naisayangkat iti maika-47 nga AIPA General Assembly idiay Manila.
Iti nasao a pagilian ket maika-11 miembro tiParliament Assembly.
Indauluan ni House Speaker ken AIPA President Faustino Dy III iti nasao a seremoniya a nakipasetan dagiti sumagmamano nga agpanpanday-linteg ti East Timor.
Naiyalis metten iti bandila ti Timor-Leste manipud iti observer parliament nga agturong kadagiti miembro ti AIPA.
Naragsak met nga ni Speaker Dy iti delegasyon ti Timor-Leste ken inladawan na iti addang a maibilang a pakasaritaan iti panangpapigsa iti panagkakadua dagiti pagilian.
Indauluan met ti Filipino lawmaker iti panagpirma iti Instrument of Accession a simbolo iti pannakumpleto iti panagbalin a miembro ti regional organization.
Kinuna ni Timor-Leste National Parliament President Maria Fernanda Lay, dimmanon ti 13 a tawen manipud idi umuna da a dimmar-ay iti AIPA kas observer sakbay a nagbalin a miembro.
Napateg met kunana a marikna dagiti umili da iti konkreto a pakinabang ti panagbalin a paset ti AIPA iti inaldaw-aldaw da a panagbiag.











