Mamati iti House prosecution panel a divertionary tactic laeng iti impeachment trial ni VP Sara iti nagbalin a waragawag ti kampo ni Vice President Sara Duterte seknan iti maipagarop a mapagsasaritaan a no-election scenario inton 2028 idiay House of Representatives.

Mainaig ti daytoy, kinarit ni House impeachment prosecutor ken Manila Rep. Joel Chua, tagapagsarita ni Duterte a ni Atty. Paolo Panelo Jr. a paneknekan iti akusasyon na, imbes a mangirwar kadagiti isyu nga awan pakainaiganna iti panagusig.

Impaganetget ni Chua a mas nasay-sayaat a sungbatan ti depensa dagiti alegasyon kontra iti Bise Presidente.

Kinanunongan met daytoy ni House prosecution spokesperson ken Lanao del Sur Rep. Zia Alonto Adiong, a nang-kuwestiyon iti tiyempo ti nasao nga alegasyon bayat a marig-rigatan iti depensa a paglibakan dagiti ebidensya pinansyal kontra kenni Duterte.

Balakad ni Adiong iti kampo ti Bise Presidente, saan a palawaen iti imahinasyon ken agaramid laeng kadagiti nakapapati nga istorya.

Sumangsango ni Duterte iti nabatbati nga impeachment charge nga Article II seknan iti maipagarop nga P817.87 milyon nga unexplained wealth ken maipawil a pannakipaset iti negosyo manipud 2022 agingga 2025, banag nga agtultuloy a paglibakan ti depensa.