Kiniddaw ni Senate Committee on Health Chairman Christopher “Bong” Go iti PhilHealth a siguraduen nga ita a tawen ket amin a Pilipino iti pagilian ket maikkan iti access iti healthcare services.
Nangnangruna nga impamaysa ti senador iti pannakagun-od dagiti marigrigat ken dagiti awanan pagbayad iti serbisio ti salun-at a kunana a dapat ket maysa a basic right ken saan a pribilehiyo para kadagiti manmano laeng.
Impapilit met ni Go ti ad-adda ti transparent ken episyente a pannakaipatungpal dagiti reporma kas iti panangpalawa kadagiti benefit packages, panangikkat kadagiti anti-poor policies, ken panangpaadu iti case rates para kadagiti critical diseases.
Kabayatanna, binigbig ti PhilHealth ti agtultuloy a panangipamaysa ni Go para iti de kalidad a healthcare ditoy pagilian.
Dinayaw ni PhilHealth President Emmanuel Ledesma ti dedikasion ti senador a mangtignay kadagiti opisial ti PhilHealth tapno ad-adda a rumang-ay ken agbalin nga ad-adda nga episiente ti trabahoda.
Kinunana a napateg ti akem dagiti lehislador tapno masigurado a kabaelan ti PhilHealth nga itungpal a nasayaat ti mandatoda.
