Binalakadan ti Armed Forces of the Philippines (AFP) iti publiko a saan a mamati iti video nga agwarwaras online a mangibagbaga a naaddaan ti ingkwentro iti tropa ti Pilipinas ken Malaysia.
Segun iti AFP, nalawag nga iti video ket maysa a fake news agsipudta awan ti kastoy a napasamak ken daddadaelen na laeng iti 60 a tawen a diplomatic relationship ti dua a pagilian.
Iti disinformation ket maysa a pangta iti kinakappia ken kinatibker ti rehiyon nga agserserbi kadagiti political agendas.
Impaganetget ti AFP iti transparency, kinapudno, ken proteksyon ti national interest.###
