Confidential dagiti detalye ti naangay a midyear command conference idiay Camp Aguinaldo nga indauloan a mismo ni Presidente Ferdinand Marcos Junior.
Kinuna ni Palace Press Officer Undersecretary Claire Castro a saan a basta a maibinglay iti media dagiti detalye ti naangay a panagtataripnong dagiti nangangato nga opisyales ti gobierno ken dagiti top military officials gapo metten iti isyu ti seguridad.
Saan met a masiguro ni Castro a ti panagsarita ni Presidente Marcos iti AFP ket tapno makagun-od iti impormasyon seknan dagiti accomplishments ti kasundaluhan wenno mabalin nga agbalin to a paset ti panagbetla na iti maika-uppat a State of the Nation Address (SONA) inton Hulyo 28,2025.
Kabayatanna, maipalagip a kadagiti naglabas a command conference ti Presidente ket ti AFP ket naipaganetget a baliwan wenno pirmisen ti militar oto estratehiya da ti panagsungbat kadagiti pangta a sangsangwen ti Pilipinas, kas iti communist terrorist, local terrorist, isyu idiay West Philippine Sea, ken kadagiti didigra.
