Impasigurado ti Armed Forces of the Philippines (AFP) nga agtultuloy ti panangipatungpalda kadagiti mision ti lugar a saklawen ti exclusive economic zone ti Pilipinas, iti laksid ti agtultuloy a panangriribuk ti China idiay West Philippine Sea.
Segun kenni AFP deputy chief of staff Lieutenant General Sean Gaerlan, agtultuloy dagiti mision a gapuna a kasapulanda ti suporta ti umili a Pilipino.
Masarakan ti lugar iti 75 nautical miles wenno agarup 140 kilometro manipud Palawan, adda iti uneg ti 200-nautical mile EEZ ti Pilipinas babaen ti 1982 United Nations Convention on the Law of the Sea.
Kabayatanna, kinuna ni Doctor Renato Castro ti De La Salle University Department of International Studies a mabalin a kumaro ti tignay ti China ken masapul nga aramiden ti Pilipinas ti pasetna iti panangipatungpal kadagiti estratehiana agsipud ta strategic location iti lugar.
Ti Pilipinas idi 2013 ket kinaritna ti China gapu kadagiti panagtagikua na iti West Philippine Sea nu sadiay ti Manila ket nakagun-od ti balligi ken maysa a naisangsangayan a pangngeddeng babaen ti international tribunal a nang-invalidate kadagiti panagtagikua ti Beijing.
Nupay kasta, impaganetget ti China a kukuada ti lugar ken nagkedked a mangbigbig iti 2016 ruling ti Permanent Court of Arbitration a nang-invalid iti nine-dash line.
Kinuna ti Beijing idi 2022 nga agtultuloy a tungpalenna ti “friendly consultation” iti Pilipinas kalpasan a nasarakan ti sumagmamano a barko ti China a “swarming” kadagiti lugar iti West Philippine Sea.
Iti agdama, agdagup iti 153 a diplomatic protests ti inpila ti Pilipinas kontra China mainaig iti territorial dispute babaen ti administrasion ni Presidente Ferdinand “Bongbong” Marcos Junior.
