Mabalin a maipangato manen ti yellow alert iti Luzon Grid gapo iti naingpis a reserba ti kuryente ita a Mayo 15, 2026.
Segun kenni Department of Energy Undersecretary Mario Marasigan, napirmisen ti National Grid Corporation of the Philippines dagiti dua a nadadael a transmission lines — ti Tayabas-Ilijan ken Ilijan-Dasmariñas 580 kV lines.
Gapo kadaitoy ket naaddaan manen ti supply iti Excellent Energy Resources Units 1&2 sadiay Batangas, a permi nga apektado gapo iti pannakadadael ti Ilijan-Dasmariñas transmission line.
Karaman pay a napirmis ket ti Masinloc Power Plant Unit 3 a naaddaan ti aberya iti laeng kalman.
Nupay kasta, iyur-uray met ti DOE ti detalyado a report ti NGCP mainaig ti insidente.
Idiay met Visayas ket kinuna ni Marasigan a ti nakaro a pudot iti makagapo ijti panagbaba ti kapasidad dagiti sumagmamano a power generation facilities.
Agtultuloy ti monitoring kadagiti dadduma pay a pasilidad ti NGCP tapno dagos a masungbatan dagiti posible nga aberya.
