BR LA UNION – Namnamaen a ngumato iti electricity bill dagiti consumer iti Luzon, Visayas ken Mindanao gaputi panagngato ti transmission charge ita a bulan ti Agosto.
Segun iti National Grid Corporation of the Philippines (NGCP), ngimmato iti 22.22% ti transmission rate para iti July 2026 billing period, manipud P1.4367 ket nagbalin a P1.7560 kada kilowatt-hour.
Kangrunaan a makagapo ket iti 30.85% a panagngato iti ancillary services charges, manipud P0.7941 ket nagbalin a P1.0391 kada kilowatt-hour.
Inlawlawag ti NGCP nga awan ti mapas-pastrekanna iti ancillary services, agsipudta direkta a maipaspasa dagiti bayad kadagiti service provider ken dadduma pay a maseknan nga entity.
Ti transmission charge ket bayad iti panagitulod ti kuryente manipud kadagiti power supplier agturong iti distribution system, a baybayadan iti NGCP.
