“Up to the challenge” ti Armed Forces of the Philippines kontra ti military ti China kalpasan a nangisayangkat ti air force-da iti napeggad nga aksyon kontra iti eroplano ti Pilipino iti aerospace ti Scarborough Shoal.
Iti maysa a press conference, napagsaludsodan ni Philippine Navy spokesperson para iti West Philippine Sea (WPS) Rear Admiral Roy Vincent Trinidad no kasano a makita ti AFP ti kinapasnek ti China iti bilateral consultation mechanism talks kalpasan ti insidente no panunoten a sigud a napagnunumuan dagiti dua a pagilian a mangpabassit iti tension iti WPS .
Idi napagsaludsodan no adda assets ti pagilian a makatapat iti aramid ti air force ti China, kinuna ni Philippine Air Force (PAF) public affairs office acting chief Colonel Rifiel Santiago Sotto nga addaanda iti FA-50 Golden Eagle fighter aircraft – PAF ket agdama nga addaan iti 12 a KAI FA-50 iti imbentaryona.
Nagatang manipud iti South Korea, single engine, twin-seater aircraft ket agserbi kadagiti adu nga akem a kas dagiti jet trainers, strike ken air defense.
Napaliiw ni Trinidad a saan a kayat ti Pilipinas a kumaro ti kasasaad ngem intudo na a dagiti illegal, saan a natalged, ken saan a propesional nga aramid ket mangpakaro laeng ti saan a nasayaat nga insidente.
Dua a People’s Liberation Army Air Force (PLAAF) fighter type aircraft ti nangaramid kadagiti “dangerous and provocative actions” maibusor iti unarmed aircraft ti PAF iti rabaw ti Scarborough Shoal.
Maysa kadagiti eroplano ti China ti nangipatungpal iti napeggad a maniobra ken nagpaputok kadagiti flare iti dalan ti PAF NC-212i PAF propeller aircraft a mangisaysayangkat iti gagangay a maritime patrol iti rabaw ti lugar.
Segun iti China, inaramid ti naval ken air forces-da ti identification, tracking, warning, ken expulsion maitunos a iti linteg.
Nangipila met ti Pilipinas iti diplomatic protest kontra China kalpasan nga inaramid ti air force ti Beijing ti napeggad nga aramid iti Scarborough Shoal.
