LA UNION – Umabot iti aganay 25,000 a kaso ti suspected heat stroke iti nailista idiay pagilian nga India.
Daytoy ket kalpasan a mailista ti 50 degrees celsuis wenno 122 degrees Fahrenheit a temperatura idiay Delhi ken Rajasthan idi Mayo.
Maibasar iti datos, manipud Marso agingga Mayo, addan ti 56 nga indibidwal iti natay gaputi epekto ti sumagmamano nga aldaw a heat wave iti nasao a pagilian.
Aganay 33 a tattao kabilang iti sumagmamano nga election officials a nakipaset iti General Election idiay India iti naipadamag a natay gaputi heat stroke idiay estado ti Uttar Pradesh, Bihar ken Odisha.
Maibasar met iti datos ti National Center of Disease Control agpar-parang a ti sitwasyon idi bulan ti Mayo ket nakar-karu kalpasan a nailista iti 46 nga heat-related deaths ken 19,189 a suspected heat stroke cases.
Nasurok met a 5,000 a kaso ti heatstroke iti na-detect idiay central state a Madhya Pradesh.
