Dumanon ti pakabuklan bilang a 2,775 personnel iti in-deploy iti Philippine National Police (PNP) tapno masiguro iti segurodad iti naglawlaw ti Kamara de Representantes ken idiay Senado.
Agdagup 1,416 kadagitoy a PNP personnel ket nai-deploy iti kawatiwatan ti Diokno Boulevard Pasay asideg ti Senado, 64 kadakuada ket idiay met Kamara, 259 kadagiti dadduma pay a lugar, ken 1,036 dagiti agserbi kas Reactionary Standby Support Force.
Kinuna ni PNP Spokesperson Police Brigadier General Randulf Tuaño nga isu a ngimmato ti deployment ket gapo iti nagbalin a reklamo ni Senador Tito Sotto III.
Nadismaya iti Senador gapo iti kinaado dagiti pulis ti sangwanan ti Senado ket awan pay iti naar-aramidan da kadagiti nagpang-or iti lugan ken nangsabwag kenkuana ti danum a suportador ni Senador Ronald “Bato” dela Rosa.
Agtultuloy met iti isaysayangkat nga imbestigasyon ti pulisya iti nasao nga insidente ken kitkitaen dan ti nagkurangan dagiti naka-duty iti napasamak daitoy.
