Laksid ti naglalaok a reaksyon ti social media mainaig ti performance ti kalkalpas laeng a Miss Universe Philippines competition, agtaltalinaed a kalmado ken positibo ti mangibagi ti Pilipinas iti Miss Universe 2025 a ni Ahtisa Manalo.
Nupay adda dagiti sumagmamano a negatibo nga opinyon, kaadwan kadagiti netizens ket nagbilib kenni Ahtisa ken mamati da a bagay kenkuana ti titulo a Miss Universe Philippines.
Kinuna iti beauty queen a nasanay isunan kadagiti negatibo a comments kas maysa a public figure. Nagpanawagan latta isunan iti publiko a pagtalinaeden ti kinasayaat seknan ti panagcomment ti siasinoman a supsuportaran da a kandidata.
Aminado ni Ahtisa a saan met isuna nga agbasbasa ti kaadwan kadagitoy a komentos, ngem kas iti dadduma, innayon na a tao lang isuna a mapaspasikatan.
Kabayatanna, dinayaw met dagiti tagasuporta na ti panagbalin a kalmado ken nasirib ni Ahtisa mainaig kadagiti nagduduma nga isyu kasta met nga adu kadakuadan ti magagaran ti umadani a laban na ti international stage.
Inbinglay ni Ahtisa iti tarigagay na a maiyawid ti maika-lima a Miss Universe crown para iti Pilipinas, kasaruno da Gloria Diaz, Margie Moran, Pia Wurtzbach, ken ni Catriona Gray.
Mangnamnama met ti kaadwan a napigsa ti laban ni Ahtisa para ti umay nga Miss Universe pageant ita a tawen.
