Inlunsad ti Department of Education (DepEd) ti artificial intelligence (AI)-assisted system tapno maksayan ti administrative workload dagiti mannursuro.
Paset daytoy a programa iti panang-automate ti panagsukimat iti kasasaad ti nutrision dagiti estudiante tapno mapapartak iti panangala ken pannakaproseso ti datos, ken mangpangato ti accuracy dagiti resulta.
Babaen ti inisiatiba ti Education Center for AI Research (ECAIR), mausar ti mobile phone-assisted tool a tumulong a mangtantiya iti katayag ken Body Mass Index (BMI) dagiti estudiante. Babaen kadagiti AI frameworks a kas iti computer vision, mabalinna nga aramiden ti nutritional classification a naibasar kadagiti pagalagadan ti World Health Organization (WHO), a mangkissay iti manual a panagrukod ken encoding.
Segun kenni Dr. Erika Fille Legara ti ECAIR, makatulong ti teknolohia iti nasapa a pannakabigbig dagiti ubbing a mabalin a makapadas ti stunting wenno underweight babaen laeng iti panangusar ti retrato manipud iti mobile phone, a saan a kasapulan ti specialized equipment.###
