BR LA UNION – Umaboten ti 21 nga aktibo ken sigud a a pulis iti naarestar seknan iti kontrobersyal nga anti-drug operation idi 2022.
Daytoy ket kalpasan a natiliw ti maysa nga aktibo a pulis idi Enero 31, 2025.
Iti presscon idiay Camp Crame ita nga aldaw, binigbig ni PNP Spokesperson PBGen. Jean Fajardo iti nakemmeg a ni Police Staff Sgt. Arnold Tibay.
Ni Tibay nga aktibo pay laeng iti serbisyo ket adda iti kustodiya ti Criminal Investigation and Detection Group.
Segun iti PNP walo pay iti at-large a pakaibilangan dagiti uppat nga active, tallo a retired, maysa ti resigned ken maysa a dismissed iti serbisyo.
Immapela pay ni Fajardo kadagiti 8 a masap-sapol nga i-respeto iti linteg ken siniguro na a maipaayan dagitoy ti gundaway tapno sungbatan dagiti reklamo.
Maipalagip nga idi Enero 11, 2025 kinaswan ti Department of Justice ti panaglabsing iti Comprehensive Dangerous Drugs Act of 2002 dagiti 30 a PNP members a pakairamanan ti dua a heneral, gaputi maipagarop a panagimula ti ebidensya ken unlawful arrest iti insayangkat a drug raid a nakakumpiskaran ti P6.7-billion idiay Manila October 2022.
Nagramot ti kaso idi naarestar ni Police Master Sergeant Rodolfo Mayo Jr. idi 2022 kalpasan a makumpiskaran ti 990 kilo a shabu nga agbalor ti P6.7 bilyon.
