LA UNION – Pinatawan ti Quadcom ti cite-in-contempt ni dismissed Bamban, Tarlac Mayor Alice Guo gaputi panagulbod ken panagkedked na a sumungbat iti salodsod dagiti quadcom members.
Ni Abang Lingkod party-list Rep. Joseph Stephen Paduano iti nangidatag ti mosyon tapno i-cite in contempt ni Guo nga inaprubaran met ti komite.
Saan ngamin a nagustuan ni Paduano iti paulit-ulit a panangliklik ni Guo iti salodsod seknan iti personalidad a timmulong kenkuana a naglibas, a nakaigapwan ti panangidatag ti mosyon iti mammanday linteg tapno ipa-contempt ti sigud a mayor.
Iti contempt order, mabalud ni Guo agingga a malpas iti panagdengngeg ti komite .
Impaganetget ni Paduano nga iyakar ni Guo iti Correctional Institute for Women idiay Mandaluyong City manipud iti nakaibaludan na a PNP Custodial Center.
Simmango ni Guo iti komite kalpasan a mairaman iti ilegal nga operasyon ti Philippine Offshore Gaming Operator (POGO).
