Mamati ti grupo a Mayors for Good Governance nga agbalin a naurnos ken maiyannatup iti panagaramat ti public funds babaen ti singasing ni Presidente Ferdinand Marcos Jr. nga idalan pay umuna kadagiti lokal a gobierno iti panang-aprobar kadagiti national projects.
Segun ti grupo, maysa a welcome development iti nagbalin a pronoucement ti presidente a mangited dalan para iti aktibo a partisipasyon dagiti local governments iti implementasyon dagiti proyekto a pinondoan ti national government.
Kadawyan nga agresulta ti panakapukaw ken panakasayang ti resources dagiti proyekto a naplano ken napilit a naipatakder nga awanan ti panakaawat maipanggep iti mandato ti lokal a gobierno. Mangigubuay pay ti misplaced priorities agingana agtennag a korapsyon.
Imapela da pay kadagiti national agencies partikular iti Department of Works and Highways ken dagiti manmanday-linteg a siguraduen nga addaan ti umdas ken naurnos a mekanismo para kadagiti lokal a gobierno tapno maaddaan ti silulukat ken responsable a panaggastos ti pondo ti pagilian, para iti pagsayaatan dagiti Pilipino.#
