BR LA UNION – Nagpanawagan ti lokal a gobiyerno idiiay Tipo-Tipo, Basilan nga agtalinaed a kalmado ken nasiput dagiti amin nga umili kalpasan a nakaawatda iti impormasyon maipapan iti posible a pangta dagiti terorista kadagiti asideg a lugar.
Maibasar iti statement manipud LGU, ti safety ken security ti umili iti kangrunaan a prayoridad.
Naallokoy ti publiko nga agbalin nga alerto, liklikan ti panagiwaras ti saan a beripikado nga impormasyon, ken dagus nga ireport ti aniaman a mapagdudua-an nga aktibidad kadagiti otoridad wenno barangay officials.
Segun iti maysa a residente a nabigbig a ni Sham Mangkabong, agtultuloy pay laeng ti tension iti lugarda.
Kabayatanna, kinumpirma ti Philippine Army nga adda insidente a napasamak ita nga aldaw idiay ili ti Tipo-Tipo, Basilan.
Iti agdama, madama ti verification ti detalye ti insidente a maipagarop a panagraut ti armado a grupo ken makikoordinar ti army kadagiti dadduma a unit iti nasao a lugar tapno makaala iti kompleto ken umiso a report.
Impasigurado ti Philippine Army iti publiko a kontrolado iti sitwasyon.
Dagus a naipatulod dagiti tropa tapno masigurado ti seguridad iti nasao a lugar ken kinatalged dagiti umili.
