BR LA UNION – Naawaten ti Senado iti articles of impeachment kontra kenni Vice President Sara Duterte ita a rabii ti Miyerkules, Mayo 13.
Kinumpirma met ni House Secretary General Cheloy Garafil a naawaten ni Senate Secretary Dong Mendoza ti articles of impeachment.
Simmangpet dagiti dokumento babaen ti convoy manipud House of Representatives.
Inawat daytoy ti Senado pasado alas-7:00 ti rabii laksid ti agtultuloy a tensiyon iti uneg ti Nangato a Pagpandayan Linteg.
Maipalagip nga idi Lunes, Mayo 11, inimpeach ti House Committee on Justice ni VP Sara babaen ti botos a 257 a pabor, 25 ti kimmontra ken 9 ti nag-abstain.
Kalpasan a naan-anayen a na-transmit ti articles of impeachment idiay Senado, nakatuding a tumakder kas impeachment court iti senado para iti panagusig.
Immunan a siniguro ni Senate President Alan Peter Cayetnao a “forthwith” wenno dagus nga ag-convene iti senado apaman a maawat ti articles of impeachment.
