Pinaglibakan ni sigud a presidential spokesperson Harry Roque ti online post a nagkuna a saan a naaprobaran ti asylum application na sadiay The Netherlands ket inawagan na pay daitoy kas ‘fake news’.
Kinunana nga agtaltalinaed isuna a bona fide asylum seeker iti nasao a pagilian ken saan a pudno a pinagkedkedan ti Dutch Immigration and Naturalization Service ti aplikasyon na.
Kabayatanna, nakalanad met ti online post nga adda sadiay Bremen City, Germany ni Roque a napagkedkedan iti asylum application na ken kasapulan nan a pumanaw idiay The Netherlands.
Paset iti nasao nga online post ket ti mismo a ladawan ti sigud a presidential spokesperson kabayatan ti kaadda na sadiay Bremen.
Immuna metten nga impila ti siguda a seretaryo ti asylum application na idi napalabas a bulan ken inrason na iti political persecution a maar-aramid maibusor kenkuana ditoy Pilipinas.
Maipalagip a nakita ni Roque idiay The Hague, Netherlands kasaruno ti confirmation hearing ni sigud a presidente Rodrigo Duterte nga agdama met a sumangsango ti crimes against humanity sadiay International Criminal Court (ICC).
Sakbay iti daitoy ket natakuatan ti sigud a Duterte appointee nga adda idiay United Arab Emirates (UAE), gapo metten iti arrest order nga impaulog kenkuana ti Quad Committee manipud Kamara de Representantes.
