Sinungbatan ni sigud nga Presidential Spokesperson Atty. Harry Roque ti imbutaktak ni Prosecutor General Richard Fadullon a ti counter affidavit na ket na-notarohan idiay Abu Dhabi.
Segun kenni Roque, nagturong isuna idiay Abu Dhabi tapno isu a mismo iti agpa-notaryo ti counter-affidavit. Inaramid na daitoy iti konsulada iti Pilipinas idiay Abu Dhabi, United Arab Emirates.
Kinuna ni Roque nga indatag na ti counter-affidavit tapno paglibakan ti qualified trafficking complaint kontra kenkuana.
Idi nadamag ni Roque nu adda pay isuna idiay Abu Dhabi, kinunana nga awa isunan iti nasao nga pagilian.
Kabayatanna, nu adda man kunana ti agdudua iti biang dagiti ahensya ti gobierno mainaig iti personal a panagsapata iti affidavit na, imbilin ti abogado kadagitoy a tawagan laeng isuna iti konsulada ti Pilipinas.
Nakita a mismo ni Philippine Ambassador to UAE Alfonso Ferdinand A. Ver ti ipapan ni Roque sadiay ken mabalin met nga ti Ambassador iti mangpasingked iti daitoy.
Nadamag met ni Roque nu adda ti ladawan a mangpaneknek ti kaadda na ti nasao nga pagilian ngem nagkedked isuna a mangibinglay.
Nu ketdi, inrekomendar na iti konsulada ti Pilipinas kas personal nga ebidensya iti kaadda na
Daitoy a waragawag ni Roque ket kasaruno ti panangibutaktak ni Prosecutor General Fadullon maipanggep ti possible nga ayan na.
