BR LA UNION – Agarop alas 2:00 AM ita nga aldaw, July 4, 2025, iti Low Pressure area (LPA 6h) iti uneg ti Philippine Area of Responsibility (PAR) ket naan-anay a nabukel kas Tropical Depression, a maawagan iti local name a bagyo “BISING”.
Maibasar iti Tropical Cyclone Bulletin Nr.1 ti PAGASA, iti bagyo Bising ket naudi a nasaripatpatan iti kaadayu a 200 km laud amianan-a-laud ti Calayan, Cagayan.
Kabuyog ti angin nga 45 kilometro kada oras asideg iti sentro ken kapegges a dumanon iti 55 kilometro kada oras.
Dup-dupagenna iti abagatan-a-palaud iti kapaspas a 20 kilometro kada oras.
Nakabayog ti Tropical Cyclone Wind Signal No. 1 idiay:
LUZON:
- Western portion of Babuyan Islands (Calayan Isl. and Dalupiri Isl.),
- Northwestern portion of Ilocos Norte (Pagudpud, Bangui, Burgos, Pasuquin, Dumalneg)
Dagiti lugar nga apekataran ti bagyo Bising babaen iti panagtudtudo ken napigsa nga angin ket idiay Ilocos Norte ken Babuyan Islands, karaman idiay Apayao, Kalinga, Abra, Batanes, ken mainland Cagayan.
Apektado met iti panagraira ti southwest monsoon wenno habagat, a mangipaay ti natudo a panawen, iti dackel a paset ti pagilian, partikular idiay: Metro Manila, Pampanga, Tarlac, Bulacan, Zambales, Bataan, Cavite, Batangas, Occidental Mindoro, nabatbati a paset ti Ilocos Region ken Cordillera Administrative Region, kabilang pay idiay Visayas, Dinagat Islands, Surigao del Norte, ken nabatbati a paset ti Luzon.
Maibasar iti forecast track ti state weather, nabuntog nga agturong a palaud ti bagyo Bising iti sumaganad a 12 nga oras.
Namnamaen a rumwar iti Philippine Area of Responsibility ita met laeng nga aldaw.
Padaanan ti sumaruno a weather bulletin iti oras alas 11:00 ti bigat ita nga aldaw, July 4, 2025.
