Nagpagtalinaed ti Bagyo Ester iti kapigsana kabayatan ti panagdalyasat daytoy idiay Southern Taiwan.
Maibasar tropical cyclone bulletin #2 ti PAGASA, naudi a nasaripatpatan iti sentro ti bagyo iti kaadayo a 230 km Amianan Amianan-a-laud ti Itbayat, Batanes.
Kabuyog na iti kapigsa ti angin a 45 km/h asideng ti tengnga ken kapegges nga agingga 55 km/h bayat a dupdupagen ti Amianan-a-daya a direksion iti kapaspas a 15 km/h.
Nakapasidong ti tropical cyclone wind signal no. 1 iti Batanes a makapadas ti panagtudo ken gusty winds.
Iti forecast track ti PAGASA, manamnama a agturong daytoy iti amianan-a-daya kabayatan ti panagdalysat na idiay Taiwan.
Agtultuloy iti panaggaraw ti bagyo iti nasao a direksion ken rumuar iti Philippine Area of Responsibility (PAR) inton bigat, Hunyo 6, sakbay nga agturong iti makin-abagatan a paset ti Japan.
Posible a mamantenir iti kapigsa na kabayatan ti panagdalyasat na iti makin-abagatan a paset ti Taiwan. Kalpasanna, pumigsa daytoy ket mabalin a madanon ti tropical storm category inton bigat bayat ti kaadda na idiay East China Sea.
Kabayatanna, habagat iti mangpatpatudo ditoy Ilocos Region, idiay Abra, Benguet, ken Zambales.
Apektaran met daytoy dagiti lugar idiay Metro Manila, nabatbati a paset ti Cagayan Valley, nabatbati a paset ti Cordillera Administrative Region, Bataan, Cavite, Batangas, ken Occidental Mindoro.
Bayat a mapatto-pattok a panagarbis iti nabatbati a paset ti pagilian gapu ti Localized Thunderstorms.
SUNRISE: 5:17 AM
SUNSET: 5:55 PM
