Kimmapsuten iti bagyo Francisco ken nagbalinen a severe tropical storm.
Naudi a nasaripatpatan iti kaadayo a 415 km Amianan-a-daya ti Itbayat, Batanes. Kayubog ti bagyo iti angin a 100 km/h asideg ti tengnga ken kapegges nga agingga 125 km/h. Agdama nga aggargaraw daytoy iti Amianan Amianan-a-daya iti kapaspas a 15 km/h.
Nakapasidong iti Wind Signal no. 1 ti Batanes. Gapu ti daytoy, makapadas iti nasao a lugar ti mawaraswaras a panagtudo, karaman ti Babuyan Islands.
Iti forecast track, rumuar ti bagyo Francisco iti Philippine Area of Responsibility (PAR) inton malem wenno inton rabii.
Kabayatanna, naudi met a nasaripatpatan iti Tropical Storm Higos iti ruar ti PAR iti kaadayo a 1,750 km Daya ti Central Luzon.
Agtultuloy a mangapektar iti Southwest Monsoon idiay Zambales, Bataan, ken Occidental Mindoro a makapadas ti sagpaminsan a panagtudo.
Mangipaay met daytoy ti mawaraswaras a panagtudo idiay Metro Manila, Ilocos Region, Cordillera Administrative Region, CALABARZON, Western Visayas, nabatbati a paset ti Cagayan Valley, nabatbati a paset ti Central Luzon, ken ti nabatbati a paset ti MIMAROPA bayat a panagarbis iti nabatbati a paset ti Luzon ken Visayas.
Iti kapada a paniempo iti igubuay ti Localized Thunderstorms idiay Mindanao.
SUNRISE: 5:27 AM
SUNSET: 6:34 PM
