BR LA UNION – As of 8:00 PM ita nga aldaw ti Sabado, July 5, 2025 iti Tropical Storm “DANAS” {sigud a bagyo BISING} ket pimmigsa ken maysa itan a Severe Tropical Storm.
Agtaltalinaed ti TS Danas iti ruar ti Philippine Area of Responsibility (PAR) ken agtultuloy nga imon-monitor ti PAGASA.
Naudi a nasaripatpatan ti sentro ti STS Danas iti kaadayu a 410 kilometro laud ti Basco, Batanes. Kabuyog na ti angin nga 110 kilometro kada oras ken kapegges a dumanon iti 135 kilometro kada oras.
Agtultuloy nga umad-adayu ti TS Danas iti Philippine Area of Responsibility, pa-amianan-a-daya iti kapartak a 10 kilometro kada oras, agturong idiay Northern Taiwan.
Maibasar iti forecast track ti pagasa, posible a pumigsa pay ti STS Danas ken agbalin a Typhoon category inton bigat, Hulyo 6.
Ngem kumapsot daytoy apaman a makaballasiw ni DANAS idiay Taiwan Strait, ken agbalin laengen a low pressure area inton Huwebes, Hulyo 10 gaputi interaction iti landmass idiay Eastern China.
Nupay kasta, iti trough ti bagyo Bising ket nangibati ti napuskol nga ulep iti Extreme Northern Luzon a mangigubway ti nakuyem a panawen ken panagtudtudo idiay Batanes ken Babuyan Islands.
Kabayatanna, agtultuloy a makapadas ti nakuyem a panawen ken sagpamisan a panagtudo iti lumaod a paset ti pagilian gaputi Southwest Monsoon wenno habagat.
*Ocassional rains due to habagat
Ilocos Region, Zambales, and Bataan
*Scattered rains and thunderstorms due to habagat
Metro Manila, Mindanao, Cordillera Administrative Region, the rest of Cagayan Valley and Central Luzon, CALABARZON, MIMAROPA, and Western Visayas
*Isolated rainshowers or thunderstorms due to habagat
Bicol Region and the rest of Visayas
