LA UNION – Nakaballasiwen ti Typhoon ‘Nika’ iti kadagaan ti Luzon ken agtultuloy nga agturong iti laud amianan-a-palaud idiay West Philippine Sea iti kapartak a 25 kilometro kada oras.
Naudi a nasaripatpatan iti mata ti bagyo iti kabaybayan a sakop ti Ilocos Sur.
Kabuyog iti kapigsa ti angin nga umabot iti 120km/h asideg iti sentro ken kapegges nga umabot iti 200km/h.
Namnamaen a rumwar iti PAR inton bigat ti agsapa bayat a sumrek met iti Philippine Area of Responsibility (PAR) region ita a rabii iti bagyo a nabukel iti ruar ti PAR, a maawagan ti local name nga Ofel.
Iti Ofel ket maikadwa a bagyo a sumrek ditoy pagilian ita laeng a lawas.
Kabayatanna, maysa pay a tropical cyclone nga addaan ti international name a Man-Yi ket posible a sumrek iti PAR sakbay ti weekend.
Apaman a sumrek, maawagan daytoy iti local name a Pepito, maikatlo a bagyo a sumrek iti PAR iti uneg ita a lawas.
Segun iti PAGASA, iti bagyo Ofel ket posible a dupagenna iti Northern wenno Central Luzon idinto a ti bagyo Pepito ket dupagenna iti Bicol wenno Eastern Visayas.
