BR LA UNION – Nakarwaren iti Philippine Area of Responsibility (PAR) iti bagyo Opong (international name: Bualoi) ita nga agsapa ti Sabado.
Agarop alas-10:00 itay agsapa, mapatta-patta nga addan iti kaadayu a 645 kilometro laud ti Sangley Point, Cavite City iti sentro ti bagyo.
Kabuyog na ti angin nga umabot iti 120 kilometro kada oras asideg iti sentro ken kapegges a dumanon iti 150 kilometro kada oras.
Agtultuloy ti panagdupag na iti laud amianan-a-palaud iti kapartak a 35 kilometro kada oras wenno pa-adayun iti pagilian.
Nupay awanen iti uneg ti PAR, mabalakadan latta ti publiko ken dagiti mangngalap nga agbalin a nasipot iti posible nga epekto ti hanging habagat a mabalin a papigsaen ti bagyo bayat nga adda iti ruar ti pagilian.
Namnamaen latta iti kellaat a napigsa a buyat ti tudo, gapu iti ulep a ginuyod ti napalabas a bagyo.
Kabayatanna, iti track forecast, posible pay a pumigsa bayat nga agpangpangta idiay Northern Vietnam.
