LA UNION – Nairaman a natay iti maysa a baldado a lalaki kalpasan a nauram ken dimmapo ti pagnanaedan na a balay gapwanan iti maipagarop a nabaybay-an a nakasindi a sigarilyo.
Napasamak ti insidente agarop alas 9:30 ti rabii idiay Barangay Baraoas Sur, Naguilian, La Union.
Base iti report ti Naguilian Police, iti biktima ket nabigbig iti nagan a Lord Lawrence Aba, agtawen ti 48, bayat a ti akinkukua ti balay ket managan Walumol Aba, 69-anyos.
Iti met pannakiuman ti Bombo Radyo La Union kenni Fire Senior Inspector Jefferson Hidalgo, agdama a Fire Marshall iti Naguilian BFP, kinuna na a naaramid iti light materials wenno kayo ken yero iti nasao a dimmapo a balay.
Segun kenni Hidalgo base iti inisyal nga imbestigasyon dagitoy, a paralisado iti biktima gaputi maipagarop a pannaka-stroke daytoy, gapwanan tapno saan a nakataray idi napasamak ti uram.
Iti biang ti Naguilian-BFP, agtultuloy pay laeng iti imbestigasyon da tapno duktalen iti makagapo ken danyos iti nasao nga insidente.
