Pormalen a naipasa iti Bangsamoro Autonomous Region in Muslim Mindanao (BARMM) ti P25M public market idiay ili ti Upi, Maguindanao del Norte.
Ti pannakaiyakar ti public market ket nakatuding a mangpapigsa ti lokal a gobierno sadiay.
Paset pay ti merkado iti Bangsamoro Local Economic Enterprise Services initiative a panggep met a tulungan dagiti lokal a gobierno iti panangbukel ti Local Economic Code da.
Agserbi daitoy kas sentro para kadagiti aktibidad pang-ekonomiya agraman dagiti oportunidad para iti pagbiagan, tapno masuportaran dagiti babassit a negosyante ken itandudo ti sustainable development.
Kabayatanna, pinagyamanan ni Mayor Maria Rona Cristina Piang-Flores ti Upi, Maguindanao del Norte ti proyekto ken inawagan na pay kas maysa a napateg nga addang iti panagdur-as ti ili da nga addaan ti dakkel a populasyon dagiti katutubo.
Indauloan ni Atty. Sha Elijah Dumama-Alba, Interior Minister ti BARMM, ti seremonya ti panangiyakar ti public market a dinar-ayan dagiti lokal nga opisyales.
Impeksa met ni Mayor Flores ti namnama nga agbalin a sentro ti komersyo ken ekonomiya ti baro a merkado ti ili.
Impaganetget met ni Interior Minister Alba ti kinapateg ti merkado iti panangpapigsa ti lokal nga ekonomiya sadiay.
Kabayatanna, nabayag a panawenen nga ur-urayen ti BARMM ti kaadda ti public market, nu kasta ket mapatibker pay ti ekonomiya dagiti LGUs babaen ti panangipaay ti imprastruktura ken suporta para kadagiti babassit a negosyante.
