LA UNION – Nainget a pinaglibakan ni Quad Comm Chairman ken Surigao del Norte Representative Robert Ace Barbers iti akusasyon ni Mylah Roque, asawa ni sigud a presidential spokesperson Harry Roque, nga ab-abuswenna ti bileg daytoy.
Inawagan ngamin ni Mrs Roque ni Barbers nga “an abusive individual” gapu iti panang-summon kenkuana iti panagdengngeg ti House quad comm seknan iti operasyon ti Illegal Philippine Offshore Gaming Operators (POGO).
Iti satement nga im-post na iti social media, inakusaran ni Mylah ni Barbers a mangab-abuso ti bileg na bayat a “malisyoso” kunana nga iram-raman da isuna iti Lucky South.
Maipalagip a nangirwar ti show cause-order iti Quad Comm kontra kenni Mylah Roque.
Segun kenni Barbers, no adda tiyempona nga agbuya kadagiti hearing ti Quadcom manipud rugi agingga iti maikanem a hearing, nalawag a makitana a kas chair ti Quadcom, agserserbi isuna a “rudder” wenno “timon” ti team ken kalmado nga idadaulwan na dagiti House leaders ken panel members, nga agin-inayad kadagiti saan a paborable a sasao bayat ti pannakadengngeg ti kaso.
Naminsan manen a pinatawan ti contempt ti House Quadcom ni Roque gaputi panagkedked na nga agparang iti panel kalpasan a kiniddaw da dagiti dokumento gapu iti saan a manilawlawag a kinabaknang ti pamilya.
Iti agdama, agtultuloy ti pannaka-sapol ni Harry Roque.
