LA UNION -Nailukat iti publiko idi Agosto 3, 2024 iti maikatlo nga statue ni late Lakers Great Kobe Bryant kadwana ti anak na a ni Gianna Maria-Onor’e Bryant.
Masarakan iti new permanent fixture, iti ruar ti Crytpo.com Arena, kas panang-raem kenni 5-time NBA champion Kobe Bryant.
Natay dagiti ag-ama kadwa iti pito pay a dadduma iti helicopter crash idi Enero 26, 2020.
Dagiti agturong iti Crytpo.com Arena tapno kitaen ti baro nga istatwa ket mabalin da ti sumrek iti Kobe Bryant Entrance, a sigud a maaw-awagan ti 11th Street Entrance.
Ipas-pasimudaag ti tribute para kenni Kobe iti basketball legacy na ken panagayatna kadagiti uppat a babbai nga annak, karaman ni Gianna a kadwana a natay iti aksidente.
Idi Enero, linuktan ti Lakers iti umuna a Kobe Bryant statue iti ruar ti arena ken Star Plaza.
Iti 18-time NBA All-Star ket maika-pito a Laker a pinadayawan babaen ti statue.
