LA UNION – Natay kalpasan a nagkettel iti bukodna a bagi ti maysa a 29-anyos a lalaki idiay Barangay Tuddingan, Naguilian, La Union.
Immuna iti daytoy, insalaysay ti inana kadagiti otoridad a nakitana laengen ti anakna a nakabitin iti ubong ti baboy iti ruar ti pagtaengan dagitoy.
Dagus met a nangayab kadagiti otoridad ti saanen a nainaganan nga ina ket naamuan a natay ti baro babaen ti panagbekkel.
Naamuan a sakbay ti insidente ket maipagarup a nagsinnupiat ti biktima ken ti fiance daytoy nga adda iti ballasiw taaw.
