LA UNION – Dead on the spot ti maysa a baro kalpasan a nagkettel iti bukodna a biag idiay Bauang, La Union.
Nabigbig ti pimmusay a ni Jayfre Lomboy, 30-anyos, residente ti Barangay Bagbag.
Maibasar iti inisial nga imbestigasion manipud iti Bauang Police Station, nasarakan laengen ti bangkay ti baro a nakabitin iti bobida ti balayda babaen ti nylon rope.
Iti panagsukimat dagiti otoridad, naamuan a sakbay ti insidente, nagsinnupiat idi rabii ti lalaki ken ti nobyana nga adda iti ballasiw-taaw kalpasan nga imparipirip ti babai a kayatnan ti makiwinnaswas.
Dagus met a naitaray iti ospital ti biktima ngem indeklara ti doktor a natayen ken madama itan a malamlamayan.
Patien met ti pamilia nga awan ti foul play iti napasamak nga insidente.
