BR LA UNION – Pormalen a naluktan ti kabarbaro a pasdek nga Ambangonan Hanging Bridge idiay Pugo, La Union.
Indaulwan ni Governor Raphaelle Veronica Ortega-David iti inagurasyon idi Pebrero 21 idiay Barangay Ambangonan, Pugo, La Union.
Iti nasao a proyekto ket nagbinnuligan ti Provincial Government of La Union ken Local Government Unit ti Pugo.
Na-disenyo ti hanging bridge tapno mapasayaat pay iti panagdalyasat ken masiguro ti kinatalged dagiti behikulo ken residente a magna iti nasao a rangtay.
Iti baro a pasdek a rangtay ket mangipaay pay ti mas nataltalged ken episyente a pannakai-biyahe dagiti produkto a partuat dagiti residente ken mannalon agturong iti merkado.
Saanen a kas iti sigud a kayo ken landok ti istruktura, na-upgrade ti baro a rangtay agsipudta naaramid daytoy iti kongkreto ken saanen a nagalis iti rabaw ti kalsada tapno mas nataltalged a pagnaan iti agpada a behikulo ken dagiti pedestrians.
