Pakadandanagan iti kampo ni sigud nga House Speaker ken Leyte Representative Ferdinand Martin Romualdez iti panangawag kenkuana kas “mastermind” iti korapsyon bayat a mangrugrugi paylaeng iti preliminary investigation.
Segun iti abogado na a ni Atty. Ade Fajardo, mabalin a mangpataud iti nasao a birngas iti impresyon nga addan iti resulta ti kaso sadiay Office of the Ombudsman.
Immunan a kiniddaw dagiti abogado ni Romualdez kenni Ombudsman Jesus Crispin Remulla nga ag-inhibit iti kaso babaen iti maysa a surat a napetsaan iti Abril 22.
Dinakamat da iti pampubliko a waragawag ni Remulla seknan iti imbestigasyon nga inladawan da nga agparparang ket addan iti keddeng kenkuana.
“Sa amin pong appreciation, at kami ay nangangamba na dahil sa maraming mga pampublikong posisyon ng kasalukuyang Ombudsman ay parang na-prejudge na, or parang meron nang konklusyon na nabuo, at hinahabol ang ebidensiya para lang masuportahan ’yung legal conclusion,” kinuna ni Fajardo.
Impaganetget na a kasapulan iti patas ken awan iti mapaboran a proseso bayat iti preliminary investigation, nangruna ket adda pay dagiti testimonya a mabalbaliwan ken ebidensiya a saan pay a nait-ited iti depensa.
“Ang tawag namin po diyan ay prejudicial, at in effect parang ginagatungan ’yung anumang kaisipan”
Kiniddaw iti kampo ni Romualdez a maresolbar dagiti reklamo a maibasar kadagiti ebidensiya a maipaspasango ken maad-adal kabayatan ti proseso, kasta met a saan a maibasar kadagiti maibirngas kunkuana bayat nga agtultuloy iti imbestigasyon.
Maipalagip a ginandat ni Romualdez iti rumuar iti Pilipinas tapno kuma agpaagas ngem nalappedan laeng dagiti otoridad.
Kalpasan a saan a mapalubosan nga agbiahe ket nangiruar met isunan iti video a mangilawlawag a saan a rumbeng a kenkuana a maipabasol iti korapsyon, nangruna kadagiti maanomalya a pondo idi napalabas a Kongreso, nu sadinno ket isuna iti nagserbi kas Speaker.
