Naideklara ti state of calamity iti probinsia ti Batanes gapu iti nasaknap a pannakadadael gapo iti Bagyong Julian.
Segun iti Provincial Disaster Risk Reduction and Management Council-Emergency Operations, 172 a pamilia ti naevacuate ken nasurok a 1,000 a pagtaengan ti nadadael wenno partially damaged.
Dimmanon iti P611 milion ti pannakadadael dagiti sanikua iti nadakamat a probinsya.
Ti pannakaideklara ti state of calamity sadiay ket mangpalubos ti gobierno probinsial a mangusar iti quick response fund tapno mapapartak ti pannakaipatungpal ti disaster response ken recovery measures.
Kabayatanna, naipaay kadagiti naapektaran a pamilia ti family food packs manipud iti gobierno.
Iti agdama, agtultuloy pay laeng ti relief operations kadagiti dadduma nga ili idiay Batanes.
