BR LA UNION – Agtaltalinaed ti bagyo Neneng iti Philippine sea ngem pinapigsa na ti habagat a mangipapaay ita ti panagtudo iti Ilocos Region.
Naudi a nasaripatpatan iti sentro ti bagyo Neneng iti kaadayu a 365 km amianan-a-daya ti Itbayat, Batanes, kabuyog na ti angin a 45 km/h asideg iti sentro ken kapegges a dumanon iti 55 km/h.
Iti agdama, dup-dupagenna iti laud amianan-a-laud iti kapartak a 15 km/h.
Saan a namnamaen nga ag-landfall ti bagyo Neneng ditoy pagilian ngem agtalinaed ti sentro ti bagyo iti Philippine sea kas tropical depression agingga nga agbalin-to laengen a remnant low inton bigat, Huwebes (Agosto 20).
Kabayatanna, agtultuloy a mangigubway ti panagtudtudo ti agraraira a southwest monsoon wenno habagat, ti Ilocos Region, Batanes, Zambales, ken Bataan ita nga aldaw ti Huwebes (Agosto 20).
