LA UNION – Naitabla ti San Miguel Beermen iti serye, 2-all iti game 4 kontra Barangay Ginebra, iti panagtultuloy ti best of seven semifinals 2024 PBA Governors Cup nila ng Barangay Ginebra.
Saan a nakaporma ti Gins iti nairut a depensa ti Beermen ket nangabak dagitoy iti iskor, 131-121, iti ay-ayam a naisayangkat idiay Araneta Coliseum.
Bida iti panangabak ti Beermen ni Most Valuable Player June Mar Fajardo a naka-aramid ti 29 points, 16 rebounds ken tallo nga assists bayat a ti import a ni EJ Anosike ket nakatulong ti 27 points.
Nagnayon met ti 20 points ni CJ Perez, sag-15 points kada Marcio Lassiter ken Don Trollano.
Nasayang met iti inaramid a 49 points ni Justin Brownlee para iti Barangay Ginebra.
Kabayatanna, maisayangkat ti Game 5 inton Biyernes, October 18, iti Ynares Cnter idiay Antipolo, Rizal.
Iti sabali nga ay-ayam….
Immasideg iti tsansa ti TNT Tropang Giga a sumrek iti finals ti 2024 PBA Governors’ Cup.
Daytoy ket kalpasan nga inabak da iti Rain or Shine, 81-79, tapno magun-od ti 3-1 a lamang iti best of seven semifinals iti naisayangkatnga ay-ayam dagitoy idiay Araneta Coliseum.
Agbalin a clincher iti Game 5 inton Biyernes idiay Big Dome para iti Tropang Giga nu saan dan nga ikkan ti gundaway iti Rain or Shine iti PBA Governors’ Cup finals.
