Aminado ni Presidente Ferdinand Marcos Jr a biddut ti disenyo ti makagapo nu apay a narsuod ti rangtay idiay Isabela.
Ti kumpirmasyon ti Presidente ket kalpasan a bisitaen na ti narsuod a Cabagan-Santa Maria bridge kasaruno metten ti mapapati a nagsasaruno a panagdalyasat dagiti tallo nga overloaded dump trucks.
Kinunana a ti agdama ket tutokan pay ti gobierno ti panangpapirmis iti rangtay sakbay a kamaten ti makinbasol.
Ti rangtay a sumakop ti 990 a metro ken buklen dagiti 12 nga arko ken 9-span pre-stressed concrete girders, ket nadisenyo a para laeng kadagiti light vehicles.
Daitoy ket napateg a ruta a mangkonektar ti Cabagan ken Santa Maria sadiay Enrile, Cagayan ken Tabuk, Kalinga.
Nangrugi tu panangipasdek ti rangtay idiay Cabagan, Santa Maria idi pay Nobyembre 2014 ken naileppas idi Pebrero 1, agdama a tawen para ti pakabuklan gatad a P1.22-B
Segun kenni Palace Press Officer Usec Claire Castro, karaman kadagiti imbestigaran da nu apay nga underdesigned ti nasao a rangtay kas rumrumuar iti inisyal nga imbestigasyon.
