LA UNION – Umuna a maipatungpal iti Bigas 29 program ti gobyerno iti Kadiwa centers idiay Metro Manila ken kabangibang a probinsiya.
Daytoy iti inyanunsiyo ni National Food Authority Administrator Larry Lacson idi kalman.
Iti sidong ti programa, mailako ti da-an nga stock ti bagas iti kantidad a P29 kada kilo a segun iti ahensiya ket napipintas a klase ti bagas.
Limitado pay laeng iti vulnerable sector iti programa kabilang ditoy dagiti benepisyaryo ti conditional cash transfer program, persons with disabilities, senior citizens ken solo parents.
Immunan nga imbaga ti DA a ti namnamaen a mabenipisyaran ket iti 6.9 million households wenno mapatta-patta a 34 milyon nga indibidwal.
