BR LA UNION – Inwaragawag ti Department of Finance (DOF) a ti panagbaba ti inflation rate iti 1.5 percent idi Nobyembre ket maysa a pammaneknek ti panagballaygi ti Marcos administration iti ipatpaungpal na nga addang tapno makontrol ti presyo ti taraon.
Segun iti ahensiya, ti inflation rate ket nababbaba iti target ti Bangko Sentral ng Pilipinas (BSP) a 2 agingga 4 percent gapu kadagiti “targeted government measures” a bimmaba ti presyo dagiti magat-gatang.
Segun kenni Finance Secretary Frederick Go, mangipakita daytoy nga epektibo ti interbensyon ken itultuloy da iti polisiya tapno agtalinaed nga affordable ti presyo iti taraon ken dadduma pay a produkto para iti pamilya a Pilipino.
Maibasar iti Philippine Statistics Authority (PSA), ti panagbaba ti inflation manipud 1.7 percent idi Oktubre ket gapwanan ti panagbaba ti presyo ti food ken non-alcoholic beverages a 0.3 percent.
Naamwan a dagiti low-income households ket nakapadas ti dak-dakkel a gin-awa gaputi inflation iti bottom 30 percent ket bimmaba pay iti –0.2 percent wenno maika-innem a nagsaruno a bulan a bimmaba.
Imbida pay ti DOF iti panagbaba ti presyo ti bagas, nga ita ket P44.19 per kilo, kumpara iti P52.59 idi napan a tawen.
Kabayatanna, nangituding ti Department of Agriculture (DA) ti suggested retail prices para iti pork, sibuyas, ken imported rice tapno masiguro nga agtalinaed a kabaelan dagiti gagatangen.
Pinirmaan pay ni President Marcos iti Executive Order No. 105, a mangpawayway ti 15 percent tariff iti imported rice agingga agtapos ti agdama a tawen, tapno matulungan ti panang-stabilize dagiti presyo.
Mangrugi iti sumaruno a tawen, maipatungpalen ti EO 105 iti automatic tariff adjustments maibasar iti presyo ti bagas iti international market, ket bantayan daytoy ti Inter-Agency Group on Rice Tariff Adjustment kadwa da ti DOF.
