LA UNION – Namnamaen iti bigtime rollback iti presyo dagiti produkto a petrolyo inton Agosto 27, 2024 segun iti Department of Energy (DOE).
Maibasar iti resulta ti four-day trading, iti presyo ti diesel ket namnamaen a bumaba ti P2.00 agingga P2.20 per liter; iti gasolina ket namnamaen a bumaba ti P1.15 agingga P1.35 per liter; idinto a ti kerosene ket namnamaen nga agkissay ti P1.90 agingga P2.00 kada litro.
Posible pay nga agbaliw iti nasao a price adjustment para iti estimate ti maysa pay nga aldaw tapno makumpleto ti one-week trading ket maamwan ti pinal a maipatungpal nga oil price rollback inton Lunes, Agosto 26.
Maibasar iti monitoring ti DOE, sipud idi Enero 2024 agingga iti agdama ket umaboten ti P8.05 a price increase para iti gasolina, P5.95 iti kada litro ti diesel, ken P2.15 iti kada litro ti kerosene.
