Agtultuloy a manaynayunan iti bilang dagiti indibidwal a maap-apektaran ti naglabas a bagyong Crising ket iti agraraira a habagat iti pagilian.
Maibasar iti datos nga inruar ti National Disaster Risk Reduction and Management Council, dumanonen iti 1.4 million dagiti indibidwal a naakeptaran wenno katukad ti 401,000 pamilya manipud kadagiti 2,500 a barangay iti 17 rehiyon.
Iti nasao a bilang, dumanon ti 5,000 a pamilya wenno 21,000 nga indibidwal iti agtaltalinaed kadagiti naituding nga evacuation centers.
Saan met a bumaba iti pito dagiti naipadamag a pimmusay ken walo nga indibidwal iti mapukpukaw gapo iti dakes a kasasaad ti panawen.#
