Lmmagpas pay ngem iti napatta-patta a bilang dagiti international passengers ita a Paskua, kas maibasar ti official report ti Bureau of Immigration (BI).
Idi Disyembre 23 ket nasurok 61K a tattao ti nailista a simmangpet ti amin nga international ports ditoy Pilipinas.
Nairehistro dagiti Ninoy Aquino International Airport (NAIA) immigration officers ti aganay 49,176 international arrivals, ti kapada nga aldaw.
Maibasar ti international passenger traffic records, 61,658 arrivals ti nailista ditoy pagilian bayat a dagiti departures ket dimmanon met ti 66,655.
Laksid ti nangato a passenger traffic, agtaltalinaed latta a natalged ti operasyon kadagiti sangladan ken eropuerto, malaksid kadagiti gundaway nga atiddog ti pila para iti processing.
Kas sungbat ket nangideploy ti Immigration ti kanayunan a 132 immigration officers ti intero a pagilian, bayat nga aktibo metten dagiti dadduma pay a mobile immigration counters kadagiti high-traffic terminal.
Agtalinaed a naka-alerto ti opisina agingga iti umuna a lawas ti Enero, 2026 a manamnama ti panagdudupodop dagiti ad-adu manen a pasahero kadagiti sangladan ken airports.
