Mangrugin nga agbiyahe inton bigat dagiti modernize jeepney ditoy La Union.
Iti pannakiuman ti Bombo Radyo La Union kenni ALBERT CATBAGAN, Board of Director ti La Union Transport Multi-purpose Cooperative (LUTRAMPCO) a makalawas nga aggunay ti libreng sakay.
Segun kenkuana kalpasan iti makalawas ket agdiretso daytoy iti makabulan aginga bulan ti Hunyo.
Nalawlawa kuna na ti modernize jeepney ngem iti traditional a jeep agsipudta kabaelan na daytoy a mang-akomodar ti 32 a pasahero, ken aircondintioned.
P11.00 pesos per 4 kilometer nga taray ti lugan a nalaklaka no idileg iti traditional a jeep.
Dumanon met iti P2.395 milyon ti per unit ti modernize jeepney ken mabalin a bayadan daytoy iti uneg ti 7 a tawen segun kenni Catbagan.
Kabayatanna, umawat met ti P500 pesos ti inaldaw a suweldo dagiti driver ti modernize jeepney ken manamnama a ngumato daytoy kabayatan iti panaglabas ti biyahe ti nasao a behikulo.
Mainaeg iti daytoy, adda met 20 units ti modernize jeepney ti adda ita ditoy La Union nga paset iti proyekto ti gobierno.
