Nagatang iti maysa nga auction idiay Japan ti bluefin tuna iti gatad a $3.2-M.
Ti nangabak ket ti lames nga agdagsen ti 243kg ken ginatang ti Kiyomura Corporation, ti nalatak nga operator ti restaurant idiay Japan.
Naklaat ti presidente ti kompanya a ni Kiyoshi Kimura a dimmanon ti nasao a gatad iti lames.
Idi tawen 2019 ket nakagatang da metlaeng ti bluefin tuna iti gatad met a $2.1M, kasta met idi 2012 ken 2013 bidding.
Tinawen a madaydayo ti Toyosu fish market idiay Tokyo gapo kadagiti lako da a naidumduma, naisangsangayan, ken nagkakangina a klase dagiti lames.
