BR LA UNION – Bassit nga apoy iti uneg a paset ti portable stove ken ti pudot nga agtataud iti ilut-luto, ti makagapo ti napigsa a panagbettak iti maysa a panganan idiay Dagupan City.
Napasamak daytoy itay nabiit a naka-biktimaan dagiti estudiyante a kustomer.
Seguni kenni FCINSP. Jhun Eland Wanawan, City Fire Marshal ti Bureau of Fire Protection (BFP) idiay siyudad ti Dagupan, “boiling liquid expanding vapor explosion” ti makagapo ti nasao nga insidente.
Indetalyena daytoy kenni Mayor Belen Fernandez, mayor ti ili, a saan a nadlaw ti bassit nga uram iti igid ti paglutuan nga asideg ti butane gas canister.
Malaksid iti dayta, ti pudot manipud iti panagluto ti nakaigapuan ti napigpigsa a panagbettak.
Segun kenni FCINSP. Wanawan, saan a rumbeng nga agusar ti portable stoves iti uneg ti anyaman nga establishimento ken paulit-ulit.
Kinuna na a ti disenyo ti portable stoves ket para laeng iti outdoor activities, kas ti camping.
Iti butane gas canister nupay refillable, ket nasay-sayaat a maminsan laeng a daras nga usaren.
Inrekomenda na nga agusar laengen ti uging dagiti kapada a restaurant a dagiti customers ti agluto.
Mabalin met ti agusar ti LPG ngem nasay-sayaat nu nakapuwesto daytoy iti ruar ti establishimento nga addan ti pipes a nakakonekta iti lamisaan dagiti customers.
Iti agdama segun kenni Wanawan, dua pay kadagiti 11 nga estudiyante a nadundunor iti nasao nga explosion, ti agtaltalinaed iti Intensive Care Unit wenno ICU.
