BR LA UNION – Nagballaag ti Bureau of Immigration (BI) iti publiko nangruna kadagiti young professionals iti ar-aramiden a massive rescruitment ti sumagmamano a sindikato nga agaw-awis ti trabaho idiay abroad kas customer service ngem inton sumangpet da iti sabali a pagilian ket biktima da met gayam ti scam hubs.
Segun kenni Immigration Spokesperson Dana Sandoval, dagiti na-recruit a Filipino ket agtrabaho da iti Pogo like operations iti sabali a pagilian.
Inpadamag ni Sandoval nga aganay 118 a Filipinos iti nalapdan da iti naduma-duma nga airport ditoy pagiliana na-recruit nga agtrabaho iti abroad.
Aminado ni Sandoval a laksid dagiti damag nga adda pakainaiganna iti POGO, adda latta dagiti umili a ma-engganyo nga agtrabaho gapu iti napintas nga offer.
Kinuna na nga agserbi koma a red flag kadagiti umili dagiti agidiay-diaya ti trabaho agturong idiay Cambodia, Laos, Thailand ken Burma .
Kinumpirma met ti Immigration ken Presidential Anti-Organized Crime Commission nga uray dagiti BPO companies ken call centers ket sinerrek metten dagiti recruiters.
Kinapudno na, addan dagiti natiliw ken kinaswan dagiti otoridad.
