Nagpakdaar ni Senate President Pro Tempore Panfilo “Ping” Lacson a mabalin nga ag-alanganin ti Commission on Appointments (CA) apaman baliwan da ti opisyal a record ti panagdengngeg idi Pebrero 4, a naglaon kadagiti kontrobersyal a waragawag ni Senador Rodante Marcoleta seknan ti panangi-surrender ti Kalayaan Island Group idiay Palawan.
Segun kenni Lacson, sakopen ti falsification of legislative documents ti nasao nga addang ken addaan daitoy ti maiyannatop a pannusa babaen ti Revised Penal Code of the Philippines, partikular iti Article 170, kontra ti siasinoman a mangbaliw ti legislative document nga awanan ti otoridad.
Iti sidong ti Artikulo ket masentensyaan ti prisión correccional ti agingga maximum period ken multa a P1.2-M ti siasinoman a mangbaliw kadagiti singasing a gakat, resolusyon, wenno ordinansa, uray Kongreso man wenno kadagiti lokal a konseho.
Agur-uray latta ti mosyon ni Marcoleta a baliwan ti paset ti record iti panagdengngeg, ken inton agangay ket maipatulod sadiay Committee on Rules ng Commission on Appointments para iti panagtingiting.
Impadanon ni Lacson ti pakaseknan na kenni Senate President Vicente “Tito” Sotto III, nga isu ket Chairman ti Commission on Appointments.
